El "Internacia Socia
Revuo", Februaro 1908.
Ricevu cxi tiun leteron de japana juna anarkiisto, kiu
jxus eliris el malliberejo.
Estis en Marto de l'jaro pasinta, kamarado de
"Kakmeihjoron"(Revolucia Revuo) alportis al mi vian leteron kaj petis
min skribi respondon. Depost
une semajno, mi trovis vian "Socia Revuo"-n en la oficejo de
l'"Japana Esperantista Asocio".
Sed, kamaradoj, tiam mi havis tri aferojn procesajn
kaj la tago de l' kondamno estis proksimigxanta post kelkaj semajnoj. Mi estis tre okupata
kaj mi ne povis trovi la tempon prei plumon.
Fine, en la monato de Majo, mi estis enjxetita en
malliberejon, kie mi devis pasigi kvin kaj duono monatojn. La kauxzo de l'procesoj estis tre
simpla:
mi tradukis
"Aux jeunes gens" de Kropotkin, kaj "Aux Conscrits" de
"L'Anarchie", de 1'27-a de Oktobro 1906, sur
"Heimin-sximbun"(Jxurnalo de Popolo), cxiutaga organo de l' Japanaj
socialistoj kaj anarkiistoj. La
tria afero estas ecx hodiaux ne finita.
Kamaradoj, jen mi revenis en la mondo libera! Jen en la mondo tre libera kompare kun la malliberejo!
De nun mi certe sendos al vi cxiumonate ian
artikolon pri la movado revolucia en Japanujo, en Koreujo, en Hxinujo, en
Anamujo kaj en Hindujo. Mi estas en
tre oportuna situacio por sciigi al vi la agadojn
revoluciajn en cxi tiuj landoj. La
Azio entas nun la gxermo de l'granda revolucio. Cxie la fajro de
l'ribelo estas ekbrulanta.
Atendu, mi petas, kelkajn tagojn, kaj vi
ricevos mian unuan artikoron.
Revolucian Saluton,
Ei Osui
Tokio, la 12-an de
Januaro.
Note: En Tokjo estas kelkaj kamaradoj kiuj
volas lerni Esperanton. Ni estas organizontaj la "Grupo Libertaria
Esperantista"-n.
(El "Internacia Socia Revuo", Februaro 1908)